Татарстанысь шундыпуксён но уйпал вискысьтыз удмурт интынимъёс
Кукмор ёрос
Чебер, выжыкыл шаер — вашкала дырысен кылбурчиос тазьы верало Кукмор ёрос сярысь. Татарстанлэн уйпалаз интыяськыса, ёрос тужгес но чебер интыын сылэ: шур нёжалъёс но паськыт гурезь бамъёс, узыресь нюлэсъёс но бусыос.
Ёрослэн быдӟалаез 1 493 кв. иськем, кыстӥське лымшорысен уйпала. Ёрослэн шорсюлмыз Кукмор кар Кузонлэсь 120 иськемын интыяськемын, отчы вуыны автомобиль но чугун сюрес вань. Кукмор ёросын вань 16 шур, 360 ошмес, соос пӧлысь 250-эзлы экологической службаын паспортъёс лэсьтэмын.
Ёросын уло 52,2 сюрс адями, соос пӧлысь 35,0 сюрсэз уло гуртъёсын, 17,2 сюрсэз - Кукмор карын. 78,2%-эз бигеръёс, 5,5% ӟучъёс, 14,2% удмуртъёс, 1,6% поръёс но 0,5% мукет калыкъёс.
Удмуртъёс уло Важашур (Быжо), Лельвиж, Нижнерусской (Ӧрес), Нырья, Среднекуморской (Куйык) но Ошторма-Юмьинской (Улынгурт) гурт поселениосын.
