Петр Михайлович Захаров

 

Сьӧд Кыйёсты но лёганы кулэ -

Соос эбекъяло ук Тыосты,

 Соос кыско “йӧлзэс” “скалъёсмылэсь”,

 “Йӧлтэк” кельто будӥсь Ошпиосты.

 Мон Ар малай – 

 Арча гурезь вӧзысь! -

Мынам пересьёсы Кыйкарбамын

 Со Кыйёсты огпол ӝуатӥзы

 Вӧсь вераса гомӟем Курбон Тылын.

 Мон Ар малай – 

 Арча музъем вылысь

 Вӧсясьёслэн вирзы пушкам бызе!

 Дырыз вуоз, султо мон Вӧсь кылын

 Сьӧд кыйёсты ӵушкась Горд Ош азе.

 Усьтоз мыным Тылысь Со Книгазэ,

 Шуоз: “Я, чирды, чирды, ожгарчи.”

 Куштоз соку Инсьӧр но Эгессэ,

 Курбон Тылэ сылмо соку ачим.

 

Медитация

Ойдо васьком Шакайошмес нёже,

Сыӵе небыт отын нордӥ турын.

Отын али сяськаяське гужем,

Ойдо ум сылэлэ сюрес дурын.

Ойдо пыром отчы пыдлоязгес,

Бадьёс сьӧры, ӝужыт турын пӧлы.

Отын омыр салкым но ческытгес,

Отын поръя яратонлэн лулыз.

Ойдо пуксём. Тӥни чагыр сяська.

 Тӥни мушъёс инмын но лобало.

Тон кылзы ай, кызьы гужем шока.

Тӥни тюрагайёс но кырӟало.

Ойдо учком...тазьы...гаӵолскыса...

Адӟид-а, тӥни со кыӵе вылын...

Тӥни, бурдъёсыныз лопыръяса,

Со мисьтаське шунды тылсиосын...

Ойдо, ойдо...Эн кышка тон солэсь...

Уз лека со, мӧльдэ гинэ басьтоз...

Сяська ке ватӥськиз пичи мушлэсь,

Кызьы-о улонмы азьланьтӥськоз?..

 

Кабакулын, кызьпуосы улын

Кызьпу куаръёс каллен шильыртыло.

Мынам азям ненег буёлъёсын

Тынад выросъёсыд воректыло.

Мӧзьмыт мыным, мӧзьмыт ке но, умой – 

Мынам пушкам туннэ сыӵе югыт – 

Быдэс нунал туннэ ни узырмо,

Муспотонэ, тынад буёлъёсыд.

Тонэн гинэ, тонэн гинэ туннэ

Ваньмыз мынам пушкам пачылмемын.

Та уй пеймыт нюртэ ке но монэ,

Сыӵе шуныт, сыӵе капчи мыным.

 

 Кенӟали

ӟалиезлы мадиз

мынам ымдуреным

кема

кема вылды пуки

Быдӟым Ватка дурын

 

чорыг но потылӥз вöзам

луллы берытскыса

чарлан но учкылӥз синмам

артэ пуксьылыса

но кенӟали мадиз

мадиз

аслаз ӟалиезлы

нош ӟалиез кылзӥз

кылзӥз

муг сётыса

кенӟалилы

кема

кема вылды пуки

Быдӟым Ватка дурын:

усиз изэ гадь вылысьтым

но со кылиз та ярдурын

июнь 1996 ар

 

 Aquarius,

Aquar,

Aqr,

Пусэ кувшин,

Нош Ву Жеры ке Ar,

Иське мон

Булгар?

Булг луэ Сьӧд,

Булг луэ Вулг,

Вулг луэ Волк,

Нош огазе ке –

Кион Ar

Яке

Сьӧд Ar

Нош Ar ке йыр,

Соку

Мынам азвесь йыры луэ

Сьӧд Кион йыр?

 

Азвесь шуо сьӧдэктылэ

Соин-а Коинсар,

Пересь Каньсар,

Ышиз Вуж Эр улэ?

 

 

Aquarius,

Aquar,

Aqr,

Если знак мой кувшин,

А Водяная Тень если Ar,

Значит я

Булгар?

Булг если Черный,

Булг если Вулг,

Вулг если Волк,

И если все это вместе –

Волчий Ar

Или же

Черный Ar,

И если Ar голова,

Тогда

Моя серебряная голова становится

Черной головой Волка?

Серебро говорят чернеет,

А не из-за этого ли Коинсар,

Старый Каньсар,

Канул в тень Старого Русла?

 

 БЕЧОРА

 

Мынам тӥледлы вераме потэ

Пичи адями сярысь. Со улэ

Татарстанын, Киня гуртын,

Пильмон дорын, Муръё сьӧрын.

Пильмон бабай сое сюдэ-вордэ,

Тяпкетыса шуо сие,

Гулькак-гулькак юэ.

Уг ке сюдо, вожез, пе, туж потэ,

Тусьты-пуньыосты, пе, уськытъя.

Мусуръёсты веръя.

 

1995 ар

 

                  БЕЧОРА

 

Я вам хочу рассказать

О маленьком человеке. Он живет

В Республике Татарстан, в деревне Киня,

У Филимона, за Печкой.

Дед Филимон его прикармливает,

Говорят, он тявкая кушает

И пьет со звуком: гульк-гульк-гульк!

Если не кормят, говорят, сердится –

Роняет всю кухонную посуду,

Брагу кушает.

 

1995 год

 

 Зинаида Антонова

 

ПИЧИ СЭРЕГ КУМОР –

со пичи сэрегез

Бадӟым мынам шаерелэн

Ӧвӧл солэсь, дыр, чеберез,

Музъемез со анаелэн

КУМОР - вордӥськем интые,

Татын мынам вань родняе.

Вал ук, вал, пинал дыры,

Бичай кисьмам узы-боры.

Вӧл-вӧл паськыт ю бусыос

Ветталлясько ыркыт тӧлэн.

Кырӟан мыто тюрагайёс,

Вамышъясько капчи гурен.

КУМОР - зарни адямиос,

 Усточиос, кибашлыос...

Данъяськисько мон тӥледын,

Котьку возё ас сюлэмын.

Омыр сайкыт - гадь тыр шокчод,

Анае кадь нуныяськод,

Ӟеч кылъёсын вазьылӥськод...

Солэсь дуно номыр овол.

 

ТАУ...

ТАУ! КУМОР калыкелы,

Сяськаё но возьвыллы,

Жильыр бызись шурелы,

Нялмыт Усман лудэлы

Лысо Пулянка тэльысь

Вож турын турнамелы,

Гольык пыд бызьылыса

Горд узы бичамелы.

ТАУ! монэ вордэмдылы,

Гажаса ваземдылы.

Тӥ доры но вуыку

Чуръёсысь мед тододы.

 Пӧсь сюлмысь яратыса

Тау кылме но верамме,

Дуно Кумор, калыке!

 

 КУМОР - Родина моя

На белом свете есть ли где

Красивее, чем край родной?

Располагается она

У тихой речки под горой.

Домик на краю деревни,

Рядом - зеленый огород,

Посаженные мной деревца

И тихий, добрый мой народ.

КУМОР, ты колыбель моя,

Ты незабвенный милый край.

 ЛЯГАШУР-земляничная,

Спешу к тебе - добром встречай.

А речка с песней вдаль бежит,

Мосточек, где стирала я,

И сердце радостно стучит,

Когда встречаешь ты меня.

Черемух белый хоровод,

Я соловьем тебе спою.

КУМОР родной, что посвящу

Тебе я песенку свою.

 

 КУМОРЕ - ВОРДСКЕМ ДОРЕ,

Вань на меда дунне вылын

Вордскем дорлэсь но чеберез?

Котькыӵе ик гуртъёс пӧлысь

Мусо адске гурезь улысь.

Гурт пумын пичи коркае,

Со вӧзын шулдыр бакчае

Мерттэм уно писпуосы,

Татын-лёгэм пытьыосы.

КУМОР кӧкы, тон, КУМОРЕ,

Ноку но вунонтэм доре.

Горд узыё Лягашуре,

Гужем отчы сюлэм куре.

Жильыр бызись но шур дуре,

Кылем дӥсь куасьтон сюрые.

Ваньмыз бугыртӥське сюлмам,

Бертӥсько ке аслам гуртам.

Вож-вож льӧмпу садам уло,

Уӵы кадь дорам чирдыло.

Уг вунэты КУМОР гуртме,

Тыныд сизё чебер гурме.

*******

МОН ачим но ӧй шӧд,

Ортчизы аръёсы.

Оло вал со уйвӧт,

Кылизы доръёсы.